Nissan Teana-ն «Արծվի թևեր»-ի մոտ բախվել է երկաթե արգելապատնեշներին և հայտնվել հանդիպակաց գոտում. կա վիրավոր. ավտոմեքենան վերածվել է մետաղե ջարդոնի
16:46 , 28 հունիս, 2020Shamshyan.com-ը գրում է․
Այսօր՝ հունիսի 28-ին, խոշոր ավտովթար է տեղի ունեցել Արագածոտնի մարզում: Ժամը 13:15-ի սահմաններում Nissan Teana-ն Երևան–Գյումրի ավտոճանապարհի 30-րդ կմ հատվածում՝ դեպի Գյումրի ընթանալիս, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել երկաթբետոնե արգելաատնեշներին և դուրս եկել հանդիպակաց երթևեկելի գոտի: Այս մասինհայտնում է Shamshyan.com կայքը՝ մանրամասնելով, որ վթարի հետևանքով վարորդը մարմնական վնասվածքներով տեղափոխվել է «Աշտարակ» բժշկական կենտրոն: Վիրավորին առաջինը օգնության են հասել քաղաքացիները և օպերատիվ են գործել Աշտարակի հիվանդանոցի բժիշկները:
Օպերատիվորեն ժամանել են ԱԻՆ ՓԾ Աշտարակի ջոկատը, որոնք հոսանքազրկել են ավտոմեքենան, դադարեցրել ավտոմեքենայի գազի արտահոսքը և սահմանազատել տարածքը, այնուհետև կատարել ճանապարհի լվացման աշխատանքներ:
Ժամանել են նաև ՃՈ տեսուչները։ Փաստի առթիվ նյութեր են նախապատրաստվում: Ոստիկանությունը պարզում է վարորդի ինքնությունը: