Առնվազն ազնիվ չեք. պատգամավորը՝ դատախազին
15:02 , 16 հունիս, 2020Panorama.am-ը գրում է․
«Պարոն Դավթյան, ես վստահ եմ, որ դուք շատ լավ իրավաբան եք, բայց այստեղ առնվազն ազնիվ չեք»,- խոհրդարանում ասաց ԱԺ «Բարգավաճ Հայաստան» խմբակցության պատգամավոր Արտյոմ Ծառուկյանը՝ անդրադառնալով ԲՀԿ ղեկավար Գագիկ Ծառուկյանին անձեռնմխելիությունից զրկելու միջնորդությանը։
Նրա խոսքով, գլխավոր դատախազն ազնիվ չէ՝ ասելով, որ ԲՀԿ առաջնորդի նկատմամբ քաղաքական հետապնդում չի իրականացվում։
«Եթե այս ամենը քաղաքական չի, ապա այն, ինչ կատարվում է այսօր մեր կուսակցության գրասենյակում, մեր ակտիվիստների հետ, տեղի կունենար փետրվար ամսին, երբ դուք հայտնաբերել էիք այս թղթի կտորը։ Փետրվար ամսից մինչև հիմա առնվազն որոշակի գործողություններ պիտի լինեին տարածքային գրասենյակներում, ոչ թե հիմա, երբ ԲՀԿ խորհրդի նիստը եղավ և հնչեցին քննադատություններ։ Այն ստուգողական միջոցառումները, որ այսօր ՊԵԿ-ն իրականացնում է, 2015-ին էլ ենք տեսել, նորմալ է։ Բայց որևէ փաստ դուք չեք ներկայացրել, և չեք էլ կարող, քանի որ սա 100%-ով քաղաքական պրոցես է, քաղաքական հետապնդում է ընդդիմադիր ամենամեծ խմբակցության ղեկավարի նկատմամբ»,- նշեց պատգամավորը։
Ամբողջական հոդվածը կարող եք կարդալ այստեղ։