Տարոն Մարգարյանի թշնամիները ոչ թե ընդդիմադիր ակտիվիստներն են, այլ՝ փտած քրեաօլիգարխիկ համակարգի ներկայացուցիչները

Տարոն Մարգարյանի վրա տեղեկատվական գրոհը շատ հարմար պահին գնաց, երբ որ երիտասարդ հանրապետականների մեծ մասը գտնվում էր ֆեյսբուքազուրկ Չինաստանում: Փաստորեն, քաղաքապետը մեն-մենակ մնաց մեդիադաշտի շնաձկների դիմաց` շրջապատված լինելով բացի քծնանքից ուրիշ ոչ մի բանի պիտանի վարչության պետերով ու կարիերիստներով:

Խփողը շատ լավ գիտեր` երբ խփեր, ոնց խփեր: Իրականում Տարոն Մարգարյանի թշնամիները ոչ թե ընդդիմադիր ակտիվիստներն են, ինչպես իրեն փորձում են համոզել, այլ փտած քրեաօլիգարխիկ համակարգի ներկայացուցիչներն են, որոնք շատ ծանր էին տանում Տարոնի վարկանիշը հասարակ քաղաքացիների շրջանում:

Ցավոք սրտի, Տարոն Մարգարյանը անպատրաստ եղավ քաղաքական կեղտոտ ինտրիգներին: Ու հիմա շատ արագ կորցնում է իր և իր հոր կողմից երկար տարիների ընթացքում կուտակած հարգանքն ու սերը:

Չգիտեմ, արդյոք գնացքը արդեն մեկնե՞լ է, բայց մի բան զզվելի է` մարդու գլխին սարքելու համար ամբողջ ժողովրդի գլխին են սարքում տրանսպորտի թանկացում: Ու իմ կարծիքով, քաղաքապետի ամենօրյա լռությունը ու քայլեր չձեռնարկելը վերջնականապես շատ մեծ ու յուղոտ խաչ կքաշեն իրա քաղաքական ապագայի վրա:

Եվ եթե սա իրեն ձեռք է տալիս, ապա թող էլ իր աջակիցներից ոչ մի բան չսպասի: