Երեկվա ասածից հետո Նիկոլը կհայտարարի՞ տեղաշարժերի կոշտ սահմանափակումների մասին, թե՞ հերթական «բան էր, ասի, անցավ-գնաց»-ն է

12:10 , 13 հունիս, 2020

Բառացիորեն երեկ Նիկոլն ԱԺ-ում ասել է, որ եթե օրական 550-600-ից ավելի վարակակիր հայտնաբերվի, ապա իշխանությունները կգնան «տոտալ լոքդաունի»։

1,5 ժամ առաջ Նիկոլը լայվ արեց ու հայտարարեց, որ 723 նոր վարակակիր է երեկ հայտնաբերվել։ Ասաց, որ կորոնավիրուսի համաճարակի առումով «գործերը լավ չեն»։

Հարց. կհայտարարի՞ տեղաշարժերի կոշտ սահմանափակումների մասին, թե՞ հերթական «բան էր, ասի, անցավ-գնաց»-ն է լինելու։

Երկրորդ ու ամենակարևոր հարցը. ինչպե՞ս է առանց հանրության տոտալ համախմբան հասնելու այդ «կոշտ մեկուսացման» իրագործմանը։

Որովհետև կոշտ կարանտինն անիմաստ է, եթե չկա այդ հարցի շուրջ տոտալ կոնսենսուս բոլոր քաղաքական ուժերի, հանրության բոլոր խմբերի միջև։