Իսպանիան ռեկորդ է սահմանել լողափում նուդիստների թվով

1in.am-ը գրում է.

Իսպանիայի հարավ-արևելքում գտնվող Վերա քաղաքը ներառվել է Գինեսի ռեկորդների գրքում այն բանից հետո, երբ տեղի լողափում հավաքվեցին միաժամանակ 729 նուդիստ: Այս մասին հաղորդում է տեղի EFE գործակալությունը՝ վկայակոչելով BBC-ի ռուսական ծառայությանը:

Մինչ այժմ նուդիստների թվով ռեկորդը պատկանում էր Նոր Զելանդիային, որտեղ 506 մարդ միաժամանակ մերկ դուրս էր եկել լողափ: 

Նուդիստներին Վերայի լողափում տրամադրել էին գրանցման համարներ ու նկարահանել նրանց ժամանումը լողափ: 

Ալմերիա նահանգի քաղաքային խորհուրդը հուսով է, որ այդ ակցիան ավելի մեծ թվով զբոսաշրջիկների կբերի քաղաք: