15-ամյա Նարեկ Հ-ն «Mitsubishi Pajero»-ով Հալաբյան փողոցում դուրս է եկել ճանապարհի երթևեկելի հատվածից և բախվել ճամփեզրի եզրաքարերին․ վարորդը հոսպիտալացվել է «Սուրբ Աստվածամայր» ԲԿ
19:38 , 9 հունիս, 2020Հունիսի 9-ին, ժամը 13։06-ին Ճգնաժամային կառավարման ազգային կենտրոն ահազանգ է ստացվել, որ Հալաբյան փողոցում՝ «Թումո ստեղծարար տեխնոլոգիաների կենտրոն»-ի մոտակայքում տեղի է ունեցել ՃՏՊ, կա տուժած։ Այս մասին հայտնում են ԱԻՆ տեղեկատվության և հասարակայնության հետ կապերի վարչությունից:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Mitsubishi Pajero» մակնիշի ավտոմեքենան (վարորդ՝ Նարեկ Հ․, ծնված 2005 թ․) դուրս է եկել ճանապարհի երթևեկելի հատվածից և բախվել ճամփեզրի եզրաքարերին․ վարորդը հոսպիտալացվել է «Սուրբ Աստվածամայր» ԲԿ։
Փրկարարները հոսանքազրկել են ավտոմեքենան և իրականացրել հերթապահություն՝ մինչ ավտոմեքենայի գազի բալոնի պարունակության պարպվելը: