Արցախի ԱԺ-ն գլխավոր դատախազի ընտրության հարցով արտահերթ նստաշրջան կգումարի

Արցախի Հանրապետության Ազգային ժողովի նախագահ Արթուր Թովմասյանը ստորագրել է որոշում՝ Արցախի Հանրապետության Սահմանադրության 114-րդ հոդվածի 2-րդ մասի և «Ազգային ժողովի կանոնակարգ» օրենքի 40-րդ հոդվածի 1-ին մասի համաձայն` Արցախի Հանրապետության նախագահի նախաձեռնությամբ 2020 թվականի հունիսի 9-ին, ժամը 11:00-ին Ազգային ժողովի արտահերթ նստաշրջան գումարելու մասին՝ նախաձեռնողի սահմանած օրակարգով: Այս մասին հայտնում են Արցախի ԱԺ աշխատակազմից։ 

Օրակարգում մեկ հարց է՝ Արցախի Հանրապետության գլխավոր դատախազի ընտրության մասին: