21:30 , 5 հունիս, 2020
Սիրահարվել ու ամուսնանալ շատ հեշտ է: Ավելի դժվար է պահպանել այդ կառուցած հարաբերությունները:
Ահա այն ամենակարևոր գործողությունները, որոնք էլ ավելի են ամրապնդում հարաբերությունները․
Ամեն ինչ կիսեք: Բոլոր զգացմունքները: Առանց դրա անհնար կլինի:
Շատ հաճախ գրկախառնվեք և սիրով զբաղվեք: Նունյիսկ եթե այլևս երիտասարդ չեք: Ֆիզիկական հպումներն ավելի են մտերմացնում մարդկանց:
Մանրուքներին շատ ուշադրություն մի դարձրեք: Հարաբերությունները շատ ավելի կարևոր են, քան փոքրիկ վեճը:
Ժամանակ գտեք ձեր սիրած զբաղմունքի համար: Երբ զույգերից յուրաքանչյուրը երջանիկ է իր կյանքով, երջանիկ կլինեն նաև հարաբերությունների ժամանակ:
Զիջումների գնացեք: Գնահատեք իրավիճակը: Հասկացեք, թե տվյալ պահին ինչն է ավելի կարևոր:
Սիրելիին մի արհամարհեք վեճից հետո: Որքան հնարավոր է, շուտ քննարկեք ամեն ինչ: Զգացմունքները մի կուտակեք:
Ավելի համբերատար եղեք: Երկուսդ էլ փոխվելու ու զարգանալու եք: Միգուցե ընթացքում չհավանեք, թե ինչպես է փոխվում դիմացինը, սակայն համբերատարությունը թույլ կտա պահպանել հարաբերությունները:
Միասին նշեք կարևոր իրադարձությունները:
Ասացեք, թե ինչ է պետք ձեզ տվյալ պահին: Զուգընկերը չի կարող կարդալ ձեր մտքերը: Եթե զգում եք, որ հեռանում եք իրարից, միասին խոսեք դրա մասին:
Նոր զբաղմունք գտեք միասին, որպեսզի էլ ավելի շատ ժամանակ անցկացնեք իրար հետ: Հեծանիվ քշեք, խոհարարական դասընթացների գնացեք: Դա հաստատ կամրապնդի հարաբերությունները: