Հայաստանի ԱԳՆ-ն վերջապես որոշեց արձագանքել Ադրբեջանի վերջին օրերի աստիճանաբար աճող ռադիկալությամբ հակահայկական հայտարարություններին:
Հայտարարությունից հատկապես կարևոր է այս հատվածը. "Հայատյացությունը որպես ներքին համախմբման և իշխանության լեգիտիմության հիմնական աղբյուր դիտարկող Ադրբեջանի ներկայիս իշխանությունը սպառնալիք է ոչ միայն Արցախի, Հայաստանի և ողջ հայ ժողովրդի, այլև տարածաշրջանային խաղաղության և անվտանգության համար":
Վերջապես պետք է արձանագրենք, որ այսօր հասարակություններին խաղաղության պաստրատելու մասին խոսելու, Ալիևին կառուցողական կոչելու որևէ առիթ չկա:
Իրավիճակի և դրանից բխող մարտահրավերների վերաբերյալ ուղերձները պետք է հասցվեն նաև միջնորդներին և միջազգային հանրությանը: Այս ուղղությամբ Հայաստանի ԱԳՆ աշխատանքի արդյունքը պետք է լինի միջնորդների կողմից հասցեական քննադատությունը ուղղված Ադրբեջանին և բանակցային գործընթացում Բաքվի հանդեպ ճնշումների զգալի մեծացումը:
Ամենաթողության պատրանքին պետք է վերջ դրվի: