Ռուս գիտնականները կորոնավիրուսի դեմ մշակում են յոգուրտի տեսքով պատվաստանյութ. Научная Россия
06:27 , 3 հունիս, 2020Shantnews.am-ը գրում է․
Ռուսաստանի գիտությունների ակադեմիայի փոխնախագահ Վլադիմիր Չեխոնինը հայտարարել է, որ Ռուսաստանը յոգուրտի տեսքով պատվաստանյութ է մշակում կորոնավիրուսի դեմ: Սա տարբերակ է նրանց համար, ովքեր վախենում են պատվաստումներից: Պատվաստանյութի նման տարբերակը կարող է ոչ պակաս արդյունավետ լինել, քան մյուսները:
«Սանկտ Պետերբուրգի Փորձարարական բժշկության ինստիտուտում աշխատանքներ են տարվում պատվաստանյութերի վրա: Այս պատվաստանյութը կարող է ընդունվել որպես կաթնամթերք, և այսօր այն անցնում է նախակլինիկական փորձարկումներ»,- հայտնել է Վլադիմիր Չեխոնինը, որի խոսքերը մեջբերում է Научная Россия ամսագիրը:
Սա միակ պատվաստանյութը չէ, որի վրա նրանք աշխատում են Ռուսաստանի Գիտությունների ակադեմիայում: Կորոնավիրուսի ԴՆԹ-պատվաստանյութի հետ կապված ստացվել են առաջարկություններ երկրի առողջապահության նախարարությունից:
Պաշտպանության նախարարությունը ևս ստեղծում է պատվաստանյութի տարբերակ. հունիսին սկսվում են 50 կամավորների վրա կլինիկական փորձարկումները: