«Բարսելոնի» երկրպագուները գլխավոր մարզչի պաշտոնում ցանկանում են տեսնել Հայնկեսին
21:42 , 20 հուլիս, 2013Panorama.am-ը գրում է.
Առանց Տիտո Վիլանովայի մնացած «Բարսելոնի» երկրպագուները երազում են, որպեսզի կատալոնյան ակումբը գլխավորի «Բավարիայի» նախկին գլխավոր մարզիչ Յուպ Հայնկեսը: Այս մասին պարզ է դարձել հեղինակավոր «Sport» պարբերականի կատարած հարցման ընթացքում:
Երկրպագուների 37 տոկոսը ցանկություն է հայտնել, որպեսզի «Բարսելոնի» մարզչական ղեկը ստանձնի գերմանացի 68-ամյա մասնագետը: 22 տոկոսն ուզում է թիմում տեսնել Մարսելո Բիելսային, իսկ 12 տոկոսը` Լուիս Էնրիկեին:
Հավելենք, որ Հայնկեսը ժամանակին իսպանական ակումբներից գլխավորել է «Ատլետիկը», «Տեներիֆեն», «Ռեալն» ու «Ատլետիկոն»: