«Տավուշ տեքստիլ»-ի 420 աշխատակիցները թեստավորվել են
16:08 , 26 մայիս, 2020Pastinfo.am-ը գրում է․
«Տավուշ տեքստիլ»-ի մոտ 420 աշխատակից կորոնավիրուսի թեստ է հանձնել։ Այս մասին «Փաստինֆո»-ն տեղեկացավ «Տավուշ տեքստիլ»-ի տնօրեն Միքայել Եզեկյանից։
«Սպասում ենք պատասխաններին։ Կարծում ենք՝ մինչև մայիսի 28-ը վերջնական կլինեն բոլոր պատասխանները»,-ասաց Միքայել Եզեկյանը։
Հիշեցնենք, որ օրեր առաջ «Տավուշ տեքստիլ»-ի արտադրամասերից մեկում կորոնավիրուսի 7 դեպք էր գրանցվել։ Ավելի վաղ հայտնել էինք, որ «Տավուշ տեքստիլ»-ի միջոցներով ամբողջ անձնակազմը թեստավորվելու էր։ Տնօրենի ցուցումով արտադրամասի գործունեությունը դադարեցվել է։