Ոստիկանները շրջափակել են Կոմիտասի անվան պանթեոնը (Video)
12:59 , 26 մայիս, 2020Hraparak.am-ը գրում է․
Երևանի ընդհանուր իրավասության դատարանի Շենգավիթի նստավայրում այս պահին ընթանում է երկրորդ նախագահ Ռոբերտ Քոչարյնաի և մյուսների գործով դատական նիստը։
Նիստը փակ է լրագրողների և լրատվամիջոցների համար՝ բացառությամբ օպերատորների։ Դատարանի շենքը շրջափակել են ոստիկանները, տեղակայված են ոստիկանական ուժեր։
Եթե նախկինում երկաթյա պատնեշներ տեղադրվում էին հենց շենքի դիմաց, ապա այսօր շենքի բակի մուտքի մոտ, որը հսկվում է տասնյակ ոստիկաններով։
Ուշագրավն այն է, որ այսօր ոստիկանները շրջափակել են նաև ոչ միայն դատարանի շենքի բակը, այլև Կոմիտասի անվան պանթեոնի այգին և պատնեշներ են տեղադրված այգու յուրաքանչյուր մուտքի մոտ։
Ոստիկանները թույլ չեն տալիս ոչ մի անձի մուտք գործել այդ տարածք։
Նշենք նաև, որ դատարանը, ոստիկանությունը խոչընդոտում են լրագրողների աշխատանքը։
Մանրամասները՝ տեսանյութում