Քաղաքապետարանին տրակտոր նվիրաբերած ընկերությունը հենց քաղաքի կենտրոնում՝ բազմաբնակարան շենքերի բակում շինթույլտվություն է ստացել (Photo)

Այլևս անհնար է դարձել ամբողջ ծավալով վերհանել քաղաքային իշխանությունների կողմից իրականացվող քաղաքի և բնակիչների շահերին հակասող որոշումները:

Նկարում տեսնում եք, թե որտեղ է մեր «նոր» քաղաքապետը թույլատրել «խցկել» նոր բարձրահարկ շենքը: Մաշտոցի պուրակին կից, Մաշտոցի պողոտային անմիջապես կից շենքի բակում թույլատրվել է կառուցել հերթական բարձրահարկ շենքը: Մայրաքաղաքի կենտրոնի ծանրաբեռնվածության և ճարտարապետական խնդիրների մասին մեծ-մեծ խոսողները բազմաբնակարան շենքերի բակում թույլատրել են «խցկել» հերթական բարձրահարկը:

Իհարկե, առաջին գործը իմ կողմից կառուցապատողի իդենտիֆիկացնումն էր, որի արդյունքում, բնականաբար, չէր կարող չպարզվել, որ քաղաքապետարանը ստացել է «անհատույց» և «անշահախնդիր» «նվեր» կառուցապատողից:

Ինքնակամ և ոչ ինքնակամ կառույցներով քաղաքի ապականումը դարձել է նոր քաղաքային իշխանությունների դիմագիծը: Նրանք շարունակում են գերակա համարել առանձին անհատների բիզնես շահերը` թույլատրելով զբաղեցնել կենտրոնում սակավաթիվ ազատ մակերեսները:

Եվ նախագիծը և շինթույլտվությունը համաձայնեցրել է «սիրված» քաղաքապետ Հայկ Մարությանը: