Մինսկում ազգությամբ հայ կնոջ 4-ամյա երեխան մահացել է կորոնավիրուսից
10:06 , 18 մայիս, 2020Բելառուսի մայրաքաղաք Մինսկում ազգությամբ հայ կնոջ 4-ամյա երեխան մահացել է կորոնավիրուսից։ Այս մասին NEWS.am-ին հայտնեց երեխայի ընտանիքի մտերիմ անձանցից Նարինե Փայլակյանը։
«Փոքրիկի մայրը հայ է, հայրն՝ ազգությամբ ռուս, Հայաստանի քաղաքացի չէ։ Պուճուրը վերջերս ծանր թոքաբորբ տարավ, շատ ծանր էր, հազիվ փրկեցին։ Կարծես վտանգն անցել էր։ Մի քանի օր առաջ տանը էլի վատացել է, ջերմություն և այլն։ «Շտապօգնություն» են կանչել, տարել են հիվանդանոց, թեստ են արել, պատասխանը՝ դրական։ Դե, արդեն դրանից հետո ընտանիքի մյուս անդամներին՝ մամա, պապա, 11 տարեկան քույր, նույնպես թեստավորել են, դրական։ Փոքրիկը մահացել է այսօր երեկոյան»,- հայտնեց նա։
Ընտանիքի անդամները մեկուսացված են, ծնողներին մահացած երեխային տեսնել չեն թույլատրել։