ԱՄՆ ռազմածովային ուժերի օդաչուները բացահայտել են ՉԹՕ-ների հետ բազմաթիվ «հանդիպումների» մասին

ԱՄՆ ռազմածովային ուժերի օդաչուները բազմիցս իրենց հրամանատարությանը զեկուցել են չբացահայտված թռչող օբյեկտների հետ հանդիպումների մասին։ Այս մասին հայտնել է Indepentent պարբերականը՝ վկայակոչելով ռազմածովային ուժերի հաշվետվությունները։

Նշվում է, որ 2013 թվականի հունիսի 27-ից մինչև 2019 թվականի փետրվարի 13-ը գրանցվել է նման 8 դեպք, ընդ որում մի քանիսի դեպքում ՉԹՕ-երը նկատվել են ռազմական «ինքնաթիռներից վտանգավոր հարևանության վրա»։

Ըստ հաղորդման՝ 2014 թվականի մարտի 26-ին Վիրջինիա Բիչ քաղաքի շրջանում ինքնաթիռներից մեկից մոտ 305 մետր հեռավորության վրա թռչող օբյեկտ է նկատվել․ օդաչուի վկայությամբ՝ արծաթագույն օբյեկտը մոտավորապես ճամպրուկի չափի է եղել։

Ավելի ուշ F/A-18 Super Hornet կործանիչի նախկին օդաչու Ռայան Գրեյվսը պատմել է, որ անցյալ տարի նա նույնպես Վիրջինիա Բիչից ոչ հեռու երկրագունդ հիշեցնող օբյեկտ է նկատել։

Փորձագետները կարծում են, որ նման միջադեպերին կարելի է երկրային բացատրություններ գտնել։