Հոլիվուդյան հայազգի կինոպրոդյուսերը կմնա կալանքի տակ. Միլիոնների հափշտակության մեջ մեղադրվողի համար երաշխավորել էին «Իմ քայլի» պատգամավորները
22:51 , 7 մայիս, 2020Pastinfo.am-ը գրում է․
Վերաքննիչ քրեական դատարանը՝ դատավոր Ռուզաննա Բարսեղյանի նախագահությամբ, այսօր մերժեց հայազգի կինոպրոդյուսեր Ստեփան Մարտիրոսյանի խափանման միջոց կալանքը գրավով փոխարինելու մասին միջնորդությունը։
«Փաստինֆո»-ն այս մասին տեղեկացավ տուժող կողմի փաստաբան Վարդգես Գևորգյանից. «Վերաքննիչ դատարանը մերժեց Ստեփան Մարտիրոսյանի փաստաբանի միջնորդությունը։ Ստեփան Մարտիրոսյանը կմնա կալանքի տակ»,-ասաց Վարդգես Գևորգյանը։
Հիշեցնենք, որ Ստեփան Մարտիրոսյանը մեղադրվում է «Հայբիզնեսբանկ»-ի սեփականատիրոջից առանձնապես խոշոր չափի՝ 49 մլն 45 հազ. դոլարի հափշտակություն կատարելու համար եւ ընդհանուր իրավասության դատարանի կողմից դատապարտվել է 7 տարվա ազատազրկման։