Մարդկանց հոսքը փողոցներում օրեցօր ավելանում է․ եթե էսպես շարունակենք, նորից ետ կգնանք, կստացվի վճարած գինը ոչնչի համար էր

Ամեն առավոտ աշխատանքի գալիս ուշադրություն եմ դարձնում մեքենաների ու մարդկանց հոսքին։ Վերջին օրերին նկատում եմ, որ այդ հոսքն օրեցօր ավելանում է։ Իսկ այսօր Վաղարշյան-Կոմիտաս խաչմերուկում մեքենաների քանակից տպավորություն էր, որ մենք արտակարգ դրության ռեժիմում չենք։

Ժողովուրդ ջան, գիտեմ՝ հեշտ չի, բայց խնդրում եմ, մի կարճ ժամանակ էլ դիմացեք։ Վերջին շրջանում հաջողվել է կայունացնել կորոնավիրուսից բուժվողների թիվը։ Բայց եթե էսպես շարունակենք, նորից ետ կգնանք։

Մենք տնտեսությունը փաստացի «սառեցնելով» չափազանց թանկ գին ենք վճարել ու վճարում։ Ու եթե կանոնները չենք պահպանում, կնշանակի՝ այդ գինը վճարում ենք ոչնչի համար։ Ու դրա ազդեցությունը բոլորս ենք զգալու։

Նաև մեր ոստիկաններին եմ խնդրում՝ ռեժիմի խախտման ոչ մի դեպք աչքաթող մի արեք։ Ձեր ծանոթին կամ հարազատին կամ միասին քայլող ընտանիքին չկանգնեցնելով ու չհորդորելով կանոնները պահպանել՝ դրանով իրենց լավություն չեք անում, այլ ճիշտ հակառակը։

Բոլորիս առողջություն ու համբերություն։