«ՀՀ-ում կորոնավիրուսից մահվան 12-րդ դեպքն է գրանցվել»․ նախարար


14:00 , 10 ապրիլ, 2020

ՀՀ-ում կորոնավիրուսից ևս մեկ պացիենտ է մահացել: Այս մասին տեղեկությունն այսօր ԱԺ առողջապահության և սոցիալական հարցերի մշտական հանձնաժողովի նիստի ընթացքում հայտնել է առողջապահության նախարար Արսեն Թորոսյանը:

«Այս պահի դրությամբ ունենք 12 մահ, որը դեռ պաշտոնապես չենք հայտնել»,- ասել է նա:
Հիշեցնենք՝ ավելի վաղ հաղորդվել էր, որ Հայաստանում ապրիլի 10-ի դրությամբ հաստատվել է կորոնավիրուսով վարակման ևս 16 դեպք, հաստատված դեպքերի ընդհանուրը թիվը 937 է:

Հաղորդվել էր նաև մեկ մահվան դեպքի մասին:

Ապրիլի 10-ի դրությամբ կորոնավիրուսից բուժվածների թիվը 149 է, այսինքն՝ մեկ օրում բուժվել է 11 մարդ (ապրիլի 9-ի դրությամբ բուժվածների թիվը 138 էր), փաստացի բուժվողներինը՝ 777, բացասական թեստերը՝ 4902, մահվան ելքերը՝ 12: