ԱՀԿ-ն զգուշացրել է COVID-19 վարակի՝ օդով փոխանցվելու հնարավորության մասին․ «ՌԻԱ Նովոստի»


23:45 , 4 ապրիլ, 2020

Առողջապահության համաշխարհային կազմակերպությունը զգուշացրել է նոր տիպի COVID-19 կորոնավիրուսի՝ օդի միջոցով հնարավոր փոխանցման մասին։ Այս մասին հաղորդում է ՌԻԱ Նովոստին։

Առողջապահության ոլորտում ԱՀԿ արտակարգ իրավիճակների ծրագրի տնօրեն Մայքլ Ռայանը հաղորդել է, որ վարակը կարող է նաև փոխանցվել հիվանդությունն առանց ախտանշանների կրող մարդկանցից։ Նա սակայն ընդգծել է, որ վարակումը հիմնականում տեղի է ունենում կորոնավիրուսի ախտանշաններ ունեցող մարդուց՝ օդա-կաթիլային ճանապարհով։

Ռայանը նաև նշել է, որ ԱՀԿ փորձագետները զբաղվում են առողջ մարդկանց համար պաշտպանիչ դիմակների օգտագործման արդյունավետության ուսումնասիրմամբ։