Google-ում առանց դադարի ուտում են, Lego-ում՝ խաղում. ինչպե՞ս է անցնում օրը աշխարհի ամենաժամանակակից գրասենյակներում
22:45 , 1 ապրիլ, 2020Շատերը վախենում են դպրոցը կամ համալսարանն ավարտելուց հետո ձանձրալի ու միապաղաղ գրասենյակային աշխատանքի անցնել: Իսկապես, նման մտածմունքները դժվար թե որևէ մեկին երջանկացնեն: Սակայն իրականում գոյություն ունեն նաև այնպիսի գրասենյակներ, որտեղից աշխատակիցները տուն վերադառնալ չեն ցանկանում:
Selgas Cano
Փորձեք պատկերացնել, թե որքան հետաքրքիր կլիներ անտառում գտնվող գրասենյակում աշխատելը: Selgas Cano ընկերության գրասենյակը գտնվում է անտառային տարածքում և կառուցված է էկո-ոճով. այն դուր կգա բնության բոլոր սիրահարներին:
Կառույցի պատերը թափանցիկ նյութից են պատրաստված, ինչի շնորհիվ էլ ողջ աշխատանքային օրվա ընթացքում մենեջերները հիանում են բնությամբ:
Այս ընկերության գրասենյակների մասին լեգենդներ կան, որոնց մի մասը, փաստորեն, համապատասխանում է իրականությանը: Այդ գրասենյակներում յուրաքանչյուր աշխատակից կարող է իր ճաշակին համապատասխան զբաղմունք գտնել: Բազմաթիվ ճաշասենյակները, կորպորատիվ հանգստի համար նախատեսված սենյակները, փոքրիկ գրասենյակային կինոթատրոնները, լողավազաններն անտարբեր չեն թողնի ոչ ոքի: Հրաշալիորեն կահավորված սպորտային դահլիճը թույլ է տալիս լիցքաթափվել, իսկ տերևներով և կոկոններով լցված սենյակը ներդաշնակություն է հաղորդում:
Inventionland Design Factoty
Սա միգուցե յուրաքաչնյուրիս մանկության երազանքն է: Այս ընկերության գրասենյակային տարածքներն իրենցից ներկայացնում են փոքրիկ տներ ծառերի վրա, որոնց մոտակայքում գտնվում է լիճ: Հոգնած աշխատակիցները կարող են մոտենալ լճին և «թրջել ոտքերը»: Ընկերության տարածքում կա նաև նավ, որի վրա արբեր սենյակներ են կառուցված:
Airbnb
Թվում է՝ սա ամենահարմարավետն է բոլոր գրասենյակներից: Հետաքրքրական է այն, որ այստեղ չի արգելվում տնային կենդանիներ բերել: Փափուկ բազմոցներ, տնային խոհանոց. ի՞նչը կարող է ավելի լավ լինել:
Տեսնելով այս գրասենյակը՝ միանգամից պարզ է դառնում, թե ինչու են ընկերության աշխատակիցները մշտապես հրաշալի մտքերով զինված: Հարմարավետ սենյակներ, մեծ ճաշասենյակ, բար. այստեղ կա ամեն հարմարություն: Աշխատել հնարավոր է, որտեղ կամենում են՝ փողոցում կամ կառույցի ներսում:
White Mountain
Գրանսենյակի ինտերիերն այնպիսին է, որ թվում է՝ այն գտնվում է լեռնային քարանձավերում: Իհարկե, այստեղ նաև հարմարավետ կահույք, վառ լուսավորություն և աշխատանքի կազմակերպման համար բոլոր անհրաժեշտ գործիքները կան: