Վրաստանում համընդհանուր կարանտին հայտարարվեց. «Ալիք Մեդիա»
19:13 , 30 մարտ, 2020Shantnews.am-ը գրում է․
Վրաստանում հայտարարվում է համընդհանուր կարանտին: Այս մասին կառավարությունում հրավիրած արտակարգ մամլո ասուլիսում հայտարարեց երկրի վարչապետ Գիորգի Գախարիան՝ նշելով, որ կարանտինի մասին որոշումն ուժի մեջ կմտնի վաղն առավոտյան ժամը 08:00-ին: Այս մասին հայտնում է «Ալիք Մեդիան»:
Սահմանափակումները հետևյալն են՝
- Երեկոյան ժամը 21:00-ից մինչև առավոտյան 06:00-ն արգելվում է տանից դուրս գալ
- 70-ից բարձր տարիքի անձանց ընդհանրապես արգելվում է տանից դուրս գալ
- Արգելվում է 3-ից ավելի մարդկանց նույն տարածքում հավաքվել ցանկացած հանրային վայրում, բացի դեղատնտերից և մթերային խանութներից
- Պարտադիր է տանից դուրս գալու դեպքում ունենալ անձը հաստատող ID քարտ
Երկրի ողջ մասշտաբով կստեղծվեն շտաբեր, որոնք կվերահսկեն կարանտինային ռեժիմը:
Հիշեցնենք, Վրաստանում ապրիլի 21-ին հայտարարվել արտակարգ դրություն, ինչից հետո փակվել են Մառնեուլիի և Բոլնիսիի մունիցիպալիտետները, տեղում հայտարարվեց խիստ կարանտին: