«Թուրքական ավիաուղիները» դադարեցնում է բոլոր արտաքին չվերթները՝ բացառությամբ 5 քաղաքի
00:32 , 28 մարտ, 2020Ermenihaber.am-ը գրում է․
Թուրքիայի ազգային փոխադրող «Թուրքական ավիաուղիներ» ընկերությունը կորոնավիրուսի տարածմամբ պայմանավորված շարունակում է սահմանափակել արտաքին չվերթները:
Թուրքիայի խոշորագույն ավիափոխադրողը, որը տեղ է զբաղեցնում նաև աշխարհի խոշորագույնների շարքում, դադարեցրել է գրեթե բոլոր արտաքին չվերթները՝ բացառությամբ Չիկագո, Վաշինգտոն, Հոնկոնգ, Մոսկվա և Ադիս Աբեբա ուղղությունների: Մյուս բոլոր չվերթները չեն իրականացվելու մարտի 27-ից ապրիլի 17-ը ընկած ժամանակահատվածում:
Վերջին դադարեցված ուղղությունը Ստամբուլ- Նյու Յորք-Ստամբուլն է: