Օդի ջերմաստիճանը ստվերում կհասնի մինչև +38-ի

Aysor.am-ը գրում է.

Հանրապետության ողջ տարածքում կդիտվի մեծ մասամբ պարզ, առանց տեղումների եղանակ, ցերեկը հյուսիսային առանձին շրջաններում ամպամածության ավելացում, սակայն առանց էական տեղումների:
Երեկոյան ժամերին հնարավոր է քամու ուժգնացում պոռթկումներով մինչև 20մ/վրկ:

Ուշադրություն. օդի ջերմաստիճանը ցերեկը կբարձրանա 2-4 աստիճան, հովտային շրջաններում հասնելով ստվերում մինչև +38: Ցերեկային ժամերին անհրաժեշտ է պատսպարվել արևի ուղիղ ճառագայթներից, կրել բաց գույնի բամբակե հագուստ, խուսափել ֆիզիկական ծանր աշխատանքից:

Տաթևում կդիտվի առանց տեղումների, արևային և ջերմ եղանակ, բարենպաստ է հանգիստը բնության գրկում անցկացնելու համար: Արտակարգ Իրավիճակների նախարարությունը բնության գրկում հանգստացողներին զգուշացնում է. հրդեհից խուսափելու համար մի մոռացեք մարել խառույկները:

Սևանի ջրի առավելագույն ջերմաստիճանը՝ +18: Այս մասին տեղեկանում ենք Meteo-tv.am կայքից:

Երևանում կդիտվի պարզ արևային եղանակ, երեկոյան հնարավոր է քամի 10-12մ/վրկ
Ցերեկը սպասվում է +35+37, երեկոյան +27+29 աստիճան տաքությւոն:

Ցերեկային ժամերին, 13:00-17:00, խորհուրդ է տրվում կրել բաց գույնի բամբակե հագուստ, սովորականից շատ ջուր խմել: