Հրազդանում ծննդատան պատուհաններից դիահերձարանը երևում է, մարզպետարանը երեսպատման միջոցով կփորձի լուծել խնդիրը

Tert.am-ը գրում է․

Հրազդանում դիահերձարանը գտնվում է անմիջապես ծննդատան դիմաց, և ծննդատան պատուհաններից երևում է դիահերձարանը, սա իսկապես խնդիր է, որը գտնվում է մարզպետարանի ուշադրության կենտրոնում: Այս մասին Tert.am-ին ասացին Կոտայքի մարզպետարանի հասարակայնության և տեղեկատվության բաժնից:

«Դիահերձարանը տարածքում գործում է շուրջ 20 տարի, խնդիրը գտնվում է մարզպետարանի ուշադրության կենտրոնում, խնդիրն իսկապես առկա է: Քննարկվում են մի քանի տարբերակներ ինչպես տեղափոխման, այնպես էլ երեսպատման, այսինքն՝ ծածկի միջոցով հարցը կլուծվի»,- փոխանցեցին մարզպետարանից:

Մարպետարանից պարզաբանեցին, որ բանակցություններ են տարվում դիահերձարանը երեսպատելու ուղղութամբ, որ այն ամբողջովին փակվի և ծննդատան հղիների ու ծննդկանների համար տեսանելի չլինի: «ԲԿ-ի տնօրենն էլ է հակված, որ երեսպատելու տարբերակով այդ հարցը ընդմիշտ լուծվի»,- ասացին մարզպետարանից:

Ամբողջական հոդվածը կարող եք կարդալ այստեղ։