Սաուդյան Արաբիայում կորոնավիրուսի պատճառով կփակվեն առեւտրի կենտրոններ, ռեստորաններ, սրճարաններ եւ այգիներ
07:30 , 16 մարտ, 2020Operativ.am-ը գրում է.
Սաուդյան Արաբիայի իշխանությունները կարգադրել են փակել առեւտրի կենտրոնները, ռեստորանները, սրճարանները եւ այգիները նոր տիպի կորոնավիրուսի տարածման վտանգի կապակցությամբ, հաղորդում է Reuters-ը:
Կարգադրությունն ուժի մեջ է մտնում անհապաղ:
Իշխանությունների այդ որոշման մասին առաջինը հայտնել են սոցցանցերում տեղի համայնքապետարանները. ակնկալվում է, որ շուտով այդ մասին կհայտարարվի նաեւ հեռուստատեսությամբ:
Սաուդյան Արաբիայում գրանցվել է կորոնավիրուսով վարակման 103 դեպք: Հիվանդության հետեւանքով մահացածների մասին տեղեկություններ չկան: