Ունենք արդեն մոտ 200 մեկուսացված անձ. չի բացառվում, որ նրանց խմբից կորոնավիրուսի նոր դեպքեր լինեն. Նախարար
15:35 , 14 մարտ, 2020Aysor.am-ը գրում է․
Չեմ բացառում, որ էջմիածինցի մեկուսացված քաղաքացիների խմբից նոր դրական դեպքեր լինեն, ֆեյսբուքյան ուղիղ եթերի ժամանակ ասաց ՀՀ առողջապահության նախարար Արսեն Թորոսյանը:
«Դա շատ կանխատեսելի և կառավարելի զարգացում է: Մինչ օրս ունենք արդեն մոտ 200 մեկուսացված անձ՝ տարբեր եղանակներով, թե առանձին բնակավայրում, թե շենքում: Տրամաբանությունը հետևյալն է. մեկուսացված անձինք պետք է շփված լինեն հաստատված ախտորոշմամբ պացիենտի հետ: Ուրախությամբ կարող եմ ասել, որ Էջմիածնի դեպքով հայտնաբերել ենք գրեթե բոլոր շփվածներին և մեկուսացրել նրանց», - ասաց նախարարը: