Իտալիայում բանտարկյալները բունտ են արել. 20 բանտարկյալ փախուստի է դիմել (Photo)

Կալանավորներն ըմբոստացել են իտալական մի շարք բանտերում կիրակի և երկուշաբթի օրը այն բանից հետո, երբ իշխանությունները ժամանակավորապես արգելեցին հարազատներին այցերը կորոնավիրուսային վարակի համաճարակի պատճառով:

Պատանդներին պահել են բանտերից մեկում, նրանք ազատ են արձակվել ոստիկանության հատուկ գործողության արդյունքում: Այլ բանտերում բանտարկյալները կրակ են բացել կահույքի և տեխնիկայի վրա: Հաղորդվում է ոստիկանության հետ բախումների մասին: Տասնյակ բանտարկյալներ դիմել են փախուստի:

Անցած օրվա ընթացքում իտալական բանտերում մահացել է վեց բանտարկյալ: Մահվան պատճառը քննվում է: Այցելությունների արգելքը՝ վարակի տարածման հետ կապված, Իտալիայի իշխանությունների կողմից ձեռնարկված մի շարք կոշտ միջոցառումներից մեկն է: Լոմբարդիայից և երկրի հյուսիսում գտնվող մի շարք այլ տարածքներից մուտքն ու ելքը սահմանափակ են:

Կորոնավիրուսը շարունակում է տարածվել Եվրամիության այլ երկրներում: Իսպանական իշխանությունները հայտարարել են, որ պատրաստ են ներմուծել շտապ միջոցներ վարակի տարածման դեմ պայքարի համար: Լեհաստանը և Չեխիան սկսեցին վերահսկել սահմանները, երկիր մուտք գործող մեքենաները. վարորդների և ուղևորների ջերմությունը չափվում է:

ԵՄ առաջնորդները հեռուստակոնֆերանսով կքննարկեն կորոնավիրուսի հետ կապված իրավիճակը: Չինաստանում, որտեղից սկսվեց տարածվել կորոնավիրուսը, ամեն օր նվազում է նոր վարակների քանակը: Անցած օրվա ընթացքում նոր դեպքեր են գրանցվել միայն Ուհան քաղաքում և արտերկրից ժամանած մարդկանց շրջանում: