Ինչպե՞ս ճիշտ օգտագործել դիմակները. հայտնում է Առողջապահության համաշխարհային կազմակերպությունը
22:45 , 3 մարտ, 2020Առողջապահության համաշխարհային կազմակերպությունն իր կայքում ուղեցույց է հրապարակել այյն մասին, թե ինչպես է հարկավոր ճիշտ օգտագործել դիմակները:
- Դիմակը հագնելուց առաջ լվացեք ձեռքերը հատուկ սպիրտային միջոցների օգնությամբ կամ օճառով ու ջրով:
- Փակեք քիթն ու բերանը դիմակով և համոզվեք, որ ձեր դեմքի և դիմակի միջև չկա ոչ մի խոչընդոտ:
- Օգտագործման ընթացքում ձեռքերով մի դիպչեք դիմակին: Եթե դա անում եք, ապա այնուհետև պարտադիր կերպով լվացեք ձեռքերը հատուկ սպիրտային միջոցների օգնությամբ կամ օճառով ու ջրով:
- Այն ժամանակ, երբ դիմակը խոնավանում է, անմիջապես փոխարինեք այն նորով, և կրկնակի անգամ մի օգտագործեք միանգամյա օգտագործան համար նախատեսված դիմակները:
- Դիմակը հանելու համար բռնեք դրա բռնակներից, հանեք և արագորեն նետեք փակ աղբարկղի մեջ, լվացեք ձեռքերը հատուկ սպիրտային միջոցների օգնությամբ կամ օճառով ու ջրով:
- Դիմակները խորհուրդ է տրվում փոխել յուրաքանչյուր 2-3 ժամը մեկ անգամ կամ էլ այն ժամանակ, երբ այն խոնավանում է: Դիմակի երկարատև օգտագործումը կարող է հանգեցնել դրա վարակման: Նման դեպքում հենց ինքը՝ դիմակն է դառնում վարակի աղբյուր: