Կորոնավիրուսից պաշտպանվելու համար նախատեսված դիմակների անբավարարությունը խուճապի է մատնում անգամ աշխարհի ամենահարուստ երկրներին

Բժշկական դիմակների անբավարարությունը վկայում է այն մասին, որ անգամ աշխարհի ամենահարուստ պետություններում խնդիրներ կան անհրաժեշտ դեղամիջոցների ու բժշկական նյութերի ստացման հետ կապված։

Մինչդեռ COVID-19-ի դեպքեր շարունակում են մեծ քանակությամբ գրանցվել աշխարհի տարբեր երկրներում, դիմակների դեֆիցիտն էլ ավելի է մեծացնում դրանց տարածման արագությունը։

Օրինակ՝ Նորվեգիայի բժշկական հաստատություններում չեն բավականացնում ձեռնոցները, դիմակներն ու պաշտպանության այլ միջոցները։ Մեկուսարան-հիվանդասենյակները ևս բավականին քիչ են, եթե այստեղ մահացու վիրուսի մեծ տարածում լինի։ Նորվեգիայում դեռևս ոչ ոք վարակված չէ, սակայն առողջապահական մարմինները կանխատեսում են վիրուսի մոտալուտ վտանգը։

Դիմակների անբավարարությունն առավելապես վտանգավոր է հիվանդանոցի աշխատակազմի համար։ Նրանք, ովքեր սերտորեն հաղորդակցվում են կորոնավիրուսով հիվանդների հետ, մեծ ռիսկիտակ են գտնվում ևս վարակվելու։ Վարակման վտանգը նաև մեծ է հիվանդանոցում գտնվող, սակայն այլ հիվանդություննեով տառապող անձանց համար։

Չինաստանն է արտադրում այն ապրանքների մեծ մասը, որոնց դեֆիցիտն այսօր կա։ Այժմ Չինաստանն իր պաշարներն օգտագործում է սեփական երկրում կորոնավիրուսից պաշտպանվելու համար, այդ իսկ պատճառով նոր միջոցների արտադրությունը դանդաղել է։

Այն ժամանակ, երբ գրեթե բոլոր երկրների բնակչությունը խուճապահար մեծ քանակությամ դիմակներ է գնում, առողջապահական մարմինները հորդորում են նման կերպ չվարվել։ Չինաստանում դիմակներ արտադրող ընկերությունը հայտնել է, որ «դիմակների անբավարարության խնդիրը շատ ու շատ ավելի լուրջ է, քան պատկերացնում է հանրությունը»։

ԱՄՆ առողջապահական մարմինները նախազգուշացնում են, որ կոոնավիրուսն անխուսափելիորեն վարակելու է նաև ամերիկյան բնակչության մի մասին։ Նրանք կուտակում են դիմակներ, քանի որ խուճապի մեջ են։ Դիմակներ վաճառվում են Target-ում, CVS-ում և Amazon-ում։

Իշխանությունները զգուշացնում են, որ դիմակներ պետք  է կրեն ոչ միայն վարակվածները, այլև նրանք, ովքեր բուժում են այդ հիվանդներին։ Իսկ առողջ մարդիկ, որոնք դիմակներ են կրում, առավել հաճախ են վարակվում, քան չկրողները։