Իրանում կորոնավիրուսով վարակված 39 մարդ ապաքինվել է
06:30 , 27 փետրվար, 2020Tert.am-ը գրում է․
Իրանում կորոնավիրուսով վարակված 39 մարդ ապաքինվել է: Ինչպես հայտնում է РИА Новости-ն՝ հղում անելով իրանական աղբյուրին, բուժման դեպքեր են գրանցվել տարբեր շրջաններում, այդ թվում՝ Ղոմում, Գիլյանում, Սպահանում, Գոլեսթանում, Մարքյազիում, Հորմոզգանում և Քերմանշահում:
Ինչպես հայտնում է «Ֆարս» գործակալությունը, 30 հիվանդ ապաքինվել և հիվանդանոցից դուրս է գրվել միայն Ղոմում: Իրանի փոխանախագահ Էսհակ Ջահանգիրին երախտագիտություն է հայտնել բոլոր նրանց, ովքեր պայքար են մղում երկրում կորոնավիրուսի տարածման դեմ:
Երկրում վիրուսից մահացության դեպքերը վերջին տվյալների համաձայն 19-ն են, վարակակիր է հանդիսանում 139 մարդ:
Ամբողջական հոդվածը կարող եք կարդալ այստեղ։