ԱԳՆ քաղաքականությունը նպաստում է այսպես կոչված «Լեռնային Ղարաբաղի ադրբեջանական համայնքի» լեգիտիմացմանը. Փորձագետ


22:43 , 14 փետրվար, 2020

Aysor.am-ը գրում է.

Հայաստանի արտաքին քաղաքական գերատեսչությունն իր ջայլամային քաղաքականությամբ նպաստում է այսպես կոչված «Լեռնային Ղարաբաղի ադրբեջանական համայնքի» լեգիտիմացմանը, Aysor.am-ի հետ զրույցում նշել է «Հայացք» կիրառական քաղաքականության և հետազոտությունների վերլուծական կենտրոնի փորձագետ Հասմիկ Վարդանյանը:

«Նախօրեին տեղեկություն հայտնվեց, որ ԵԱՀԿ գործող նախագահի անձնական ներկայացուցիչ դեսպան Անջեյ Կասպրչիկը հանդիպել է «ադրբեջանական համայնքի» ղեկավարի հետ: Ավելի վաղ այդ մտացածին միավորը լեգիտիմացնելու ուղղությամբ քայլերով և հայտարարություններով հանդես էին եկել նաև ԵԱՀԿ Մինսկի խմբի համանախագահող երկրների ներկայացուցիչները՝ այդ թվում ՌԴ ԱԳ նախարարի մակարդակով: Սա չի կարող իր արտացոլումը չունենալ, եթե արդեն իսկ չունի, բանակցային գործընթացի վրա», - նշում է Վարդանյանը:

Փորձագետի կարծիքով՝ այս ամենը որպես հակամարտության կարգավորման գործընթացի հետ որևէ կապ չունեցող ներկայացնելու ԱԳՆ քաղաքականությունը որևէ կերպ չի խոչընդոտում այդ միավորի միջազգային լեգիտիմացմանը և Ղարաբաղյան հակամարտությունը միջհամայնքային հարթություն տեղափոխելու ադրբեջանական ջանքերին:

Ամբողջական հոդվածը կարող եք կարդալ այստեղ