Նախորդ հարյուրամյակում արված այս լուսանկարները տարօրինակ են, անտրամաբանական, անգամ՝ սարսափելի։ Գեղեցկության նման մրցույթներ հաճախակի էին անցկացվում, և դրանց մասնակցողները ևս շատ էին։
Անգամ Մեծ դեպրեսիայի տարիներին մարդիկ զվարճանալու եղանակներ էին փնտրում։ Ընտրելու համար ամենայուրօրինակ հայացքը՝ կազմակերպիչները որոշեցին, որ ժյուրիի ուշադրությունը այլ ոչինչ չպետք է գրավի։ Քանի որ մրցույթում պետք է հաղթող ճանաչվեր ամենաարտահայտիչ աչքերով աղջիկը, մասնակիցների դեմքերն ամբողջովին փակված էին դիմակներով։
Լուսանկարում Չիկագոյում անցկացված գեղեցկության մրցույթի երեք հաղթողներն են։ Մրցույթի կազմակերպիչները վստահ էին, որ կինը պետք է գեղեցիկ լինի ոչ միայն արտաքնապես, այլ ներքինից։ Դրա համար յուրաքանչյուր մասնակից պետք է ներկայացներ ռենտգեն լուսանկար, որը կապացուցեր, որ իր ողնաշարն ուղիղ է և կատարյալ։
Լաս Վեգասում անց էր կացվում մրցույթ, որը ներառում էր 50-ականների բնակչության հետաքրքրությունները՝ ատոմային զենք և փին-ափ գեղեցկուհիներ։ Ամենահայտնի «ատոմային գեղեցկուհին» դարձավ պարուհի Լի Ա. Մերլինը, ով ելույթ էր ունենում ատոմական պայթյունի նմանվող թղթե կոստյումով։
Լուսանկարում Ջին Քորթնին է՝ նրբերշիկների սիրահարների կողմից կազմակերպված գեղեցկության մրցույթի հաղթողը։ Մրցույթը կազմակերպել էր մսի գործարանը՝ հոթ-դոգերի ազգային շաբաթվա ընթացքում։
Հովանավորված գեղեցկության մրցույթները մասնակիցներին առաջարկում էին յուրահատուկ միջոցներ՝ իրենց անհատականությունը ցուցադրելու։