Ո՞ւր ենք մենք այսօր և ո՞ւր կերթանք, որպես Հայոց Ազգ ու Հայոց Երկիր

Կեանքի բոլոր հանգրուաններուն, մարդ էակը պարտի կանգ առնել ժամանակ առ ժամանակ, ոչ միայն խորաչափելու եւ արժեւորելու համար իր անցած ուղին, այլեւ հարց տալու ինքն իրեն, թէ Ո՞ՒՐ Է ԻՆՔ, Ո՞ՒՐ ԿԵՐԹԱՅ, ճշդելու համար իր կեանքի նպատակը, ուղեգիծը....: Շատ դիւրին է այլապէս՝ կորսուիլ կամ մոլորիլ կեանքի հազար ու մէկ որոգայթներուն մէջ, խարխափել մառախլապատ հորիզոններուն անձնատուր...: Դժուար է ընթանալ առաջ՝ նպատակասլաց յարատեւութեամբ, առանց այս ԻՆՔՆԱՔՆՆՈՒԹԵԱՆ միտող հարցադրումներուն, անհատական եւ ազգային-հաւաքական մակարդակներու վրայ ալ: Ո՞ՒՐ ԵՆՔ ՄԵՆՔ ԱՅՍՕՐ ԵՒ Ո՞ՒՐ ԿԵՐԹԱՆՔ, ՈՐՊԷՍ ՀԱՅՈՑ ԱԶԳ ՈՒ ՀԱՅՈՑ ԵՐԿԻՐ....