Կորսիկայում հրդեհները հազար հեկտարից ավելի անտառ են ոչնչացրել

Armenpress.am-ը գրում է.

Անտառային հրդեհները ֆրանսիական Կորսիկա կղզում 1,1 հազար հեկտար տարածք են ոչնչացրել: Այդ մասին հայտնել Է Կորսիկայի պրեֆեկտուրան, տեղեկացնում Է «Արմենպրես»-ը:

«Հրդեհի ճարակած տարածքը, ըստ գնահատումների, ներկայում կազմում Է 1,1 հազար հեկտար… Կյանքը բնականոն հուն վերադարձնելու համար կպահանջվի մի քանի օրվա աշխատանք»,- France Info պորտալը մեջբերում Է Կորսիկայի իշխանությունների հայտարարությունը:

Անտառային հրդեհը, որն սկսվել Է Կուենցա (Հարավային Կորսիկայի դեպարտամենտ) եւ Սոլարո (Վերին Կորսիկա) կոմունաների միջեւ, «ներկայում ոչ մի սպառնալիք չի ներկայացնում բնակչության եւ բնակելի շինությունների համար»: Բռնկման պատճառները ներկայում պարզված չեն, կատարվում Է հետաքննություն: Հրդեհաշիջման համար, որի առանձին օջախներ մնում են դժվարամատչելի, մոբիլիզացվել են հարյուրավոր մարդիկ՝ 120 տեղացի հրշեջներ, նրանց 120 գործընկերներ մայրցամաքային Ֆրանսիայի հարավից, զինծառայողներ, անտառապահներ եւ ժանդարմներ: Կրակի դեմ պայքար են մղում նաեւ համապատասխան ձեւով սարքավորված ինքնաթիռներ, ուղղաթիռներ եւ հատուկ տեխնիկա, հաղորդել Է ՌԻԱ Նովոստին: