Հանրային պահանջ ձևակերպման տակ կարելի է իրականացնել ցանկացած անարխիա, արդյոք սա՞ է նոր Հայաստանը. Իվետա Տոնոյան
13:47 , 29 հունվար, 2020Tert.am-ը գրում է.
Պարոն Սիմոնյանին հորդորում ենք, թե ինչ ջանասիրությամբ ուսումնասիրում է Գևորգ Պետրոսյանի ֆեյսբուքյան գրառումները, նույն ջանասիրությամբ նաև ուսումնասիրեր պարոն Ծառուկյանի հայտարարությունները, քանի որ դրանից երկու օր առաջ Գագիկ Ծառուկյանն ասել էր, որ ոչ թե խորհրդարանը ցրելու, այլ կառուցողական աշխատելու ժամանակն է: Այս մասին Ազգային ժողովում ճեպազրույցների ժամին ասաց «Բարգավաճ Հայաստան» խմբակցության պատգամավոր Իվետա Տոնոյանը` անդրադառնալով ԱԺ փոխնախագահ Ալեն Սիմոնյանի կողմից Գևորգ Պետրոսյանին «քուանշ» հայտարարելուն:
«Սրանով կարելի է վերջնագրի թեման փակված համարել, որովհետև որևէ մեկը չի կարող ԲՀԿ-ի հետ խոսել վերջնագրերի լեզվով, դա մեր գործելաոճը չէ»,-ասաց նա:
Իսկ «Բարգավաճ Հայաստան» խմբակցության պատգամավոր Արման Աբովյանին խորհուրդ կտամ, որ բլոտի տեղը գոնե պոկեր խաղա:
Անդրադառնալով վարչապետ Նիկոլ Փաշինյանի վերջին գրառումներին` կապված Սահմանադրական դատարանի նախագահ Հրայր Թովմասյանի կողմից իրեն ծառայություններ առաջարկելուն և որպես ապացույց՝ Թովմասյանի նվիրած գրիչը ներկայացնելուն, Իվետա Տոնոյանը վերահաստատեց Գագիկ Ծառուկյանի հայտարարությունը, ըստ որի` իրենց համար այդ գրչի պատմության մեջ բացարձակապես քաղաքական բովանդակություն չկար:
Ամբողջական հոդվածը կարող եք կարդալ այստեղ: