Կշեռքների համար առավել դրական կլինի առավոտը. հունվարի 29-ի աստղագուշակը


09:13 , 29 հունվար, 2020

Խոյ

Խոյերին օրը կուրախացնի նախօրեի իրադարձությունների ներդաշնակ զարգացմամբ: Հաճելի միտումները պահպանելու համար ավելի լավ է պահպանել տրված կանոնները, մնալ նույն ընկերախմբում, չարժե արմատապես փոխել գործողությունների ծրագիրը: Առավել արդյունավետ և բազմախոստում շրջան է առավոտը: Օրվա վերջում կարող է փոխվել ձեր կամ շրջապատողների տրամադրությունը, վերանալ էնտուզիազմը, բացառված չէ հոգնածությունը:

Ցուլ

Ցուլերին խորհուրդ չի տրվում սևեռվել իրենց խնդիրների վրա, այսօր դա ձեր և շրջապատողների օրը փչացնելու լավագույն ձևը կլինի: Փորձելով հետևել ձեր ճաշակներին, պարտադրել ձեր տրամադրվածությունը կամ հետաքրքրությունները՝ ռիսկի եք դիմում մնալ միայնակ: Ավելի լավ է ընդունել այն նորը, որ բերում են հանգամանքները. այն, ինչ այսօր խաղ է թվում, վաղը կարող է լրջորեն հետաքրքրել: Քնից առաջ ավելի լավ է չկենտրոնանալ բացասական մտքերի վրա:

Երկվորյակ

Երկվորյակներին աստղերը խորհուրդ են տալիս հնարավորինս երկար պահպանել ներքին և արտաքին ներդաշնակությունը, գիտակցության մեջ թույլ չտալ պարտվողական տրամադրություններ: Եթե ձեր տրամադրվածությունը չի կարելի համարել լավատեսական, իսկ մտքերը մշտապես պտտվում են տհաճ պահերի շուրջ, ձեզ դժվար չի լինի սնվել շրջակա միջավայրի դրականով: Շատ հարցերում այժմ համարձակորեն կարող եք ապավինել իրադարձությունների հաջող զարգացմանը:

Խեցգետին

Խեցգետիններին աստղերը ռազմավարություն մշակելու ևս մեկ օր են պարգևում: Կոնկրետ կարևոր քայլերն այսօր ավելի լավ է բացառել, քանզի իրադարձությունների անսպասելի շրջադարձը կարող է խառնել ձեր ծրագրերը և ստիպել ամեն ինչ նորից մտածել: Առավոտյան և ցերեկն ավելի լավ է ղեկավարվել հաշվարկով և տրամաբանությամբ, չի խանգարի լսել ընկերների և հեղինակավոր դեմքերի խորհուրդը, զննել իրադրությունը:

Առյուծ

Առյուծներին խորհուրդ չի տրվում ժամանակից շուտ ընդհատել անհրաժեշտ մարդու հետ շփումը, լքել համապատասխան ընկերախումբը: Ճիշտ ընտրված շփման շրջանակն այժմ ունակ է ոչ միայն լուրջ աջակցություն ցուցաբերելու ձեզ, այլև ինքնաբերաբար լուծել մի քանի առանցքային խնդիր: Օրը թույլ է տալիս ամրապնդել ձեր թողած տպավորությունը, հիմք գցել հետագա համագործակցության համար: Մարդկանց մեջ գտնվելը զույգերին կօգնի բացառել վեճերի առիթները:

Կույս

Այսօր Կույսերին խորհուրդ չի տրվում դուրս գալ հաստատված կարգի շրջանակներից, խախտել ընտանեկան և ընկերական պայմանավորվածությունները, բժշկական ռեժիմը: Բացառված չէ, որ կարևոր կանոնների պահպանման համար ստիպված լինեք հրաժարվել լիակատար ստեղծագործական ազատությունից: Եթե հանգամանքները թույլ են տալիս արարել, շեշտն արժե դնել ոչ թե գեղարվեստական, այլ տեխնիկական դետալների վրա:

Կշեռք

Կշեռքների համար առավել դրական կլինի առավոտը: Միջոցառումները, որոնց հետ մեծ հույսեր եք կապում, արժե հենց առավոտյան անցկացնել: Օրը թույլ է տալիս ևս մեկ քայլ կատարել անհրաժեշտ ուղղությամբ, ուժեղացնել և ամրապնդել դրական արդյունքը, ավելի վառ դրսևորել ձեզ: Օրվա երկրորդ կեսին բացառված չէ տոնուսի աստիճանական անկումը, արժե կողմնորոշվել ինքնազգացողությամբ: Հոգնածության ցանկացած նշանի դեպքում արժե դադարեցնել ակտիվությունը և հանգստանալ:

Կարիճ

Կարիճների համար այսօր որոշիչ նշանակություն կունենան տնային դրվածքը, չգրված օրենքների համակարգը կոլեկտիվում, ընտանեկան ավանդույթները: Նախօրեին սկսած գործը խորհուրդ է տրվում հասցնել ավարտին: Պատասխանատվության սահմանները որոշել արժե մինչ երեկո: Օրվա վերջում կարգապահության և հաշվարկի վրա կգերակշռեն զգացմունքները, բացառված չէ մտերիմ մարդու հետ կիսվելու պահանջը:

Աղեղնավոր

Աղեղնավորները մինչ երեկո կարող են վայելել իրավիճակի կայունությունը: Այսօր ձեր կողմից կառուցված ծրագրերը գերազանց հեռանկար կունենան, սկսած արկածախնդրությունը հավանաբար հետաքրքիր շարունակություն կունենա, կնպաստի ձեր հաջողություններին: Օրվա վերջում նորից կարող է ուշադրություն պահանջել կենցաղը, ընտանեկան իրողությունները, անձնական կյանքը: Հանգամանքները կարող են ստիպել դադարեցնել հետաքրքիր զբաղմունքը:

Այծեղջյուր

Այս հանգստյան օրերը շատ Այծեղջյուրներ կծախսեն ինքնավստահություն ձեռք բերելու վրա, սակայն օրվա վերջում փոփոխված իրադրությունը կարող է նորից հոգում կասկածներ սերմանել: Այսօրվա համար ծրագրած միջոցառումներն ավելի լավ է ավարտել մինչ երեկո: Գնումները, վճարումները, կարգի հաստատումը, ցանկացած պատասխանատու քայլ և կամային որոշում ավելի արդյունավետ կլինի օրվա առաջին կեսին:

Ջրհոս

Ջրհոսներն այսօր չեն ցանկանա շեղվել ընտրած ուղուց և հաջողությամբ առաջ կընթանան: Առավել հաջող շրջան է առավոտը, այդ ժամանակ առավել հավանական է հանգամանքների հաջող ընթացքը, իրենց գագաթնակետին կլինեն ձեր ճանաչվածությունն ու հեղինակությունը: Օրվա վերջում կարելի է ձեզ և ուրիշներին ազատել ավելորդ պարտականություններից, շեղվել խիստ կանոններից և հստակ ժամկետներից: Խորհուրդ է տրվում չափավորություն սննդում:

Ձկներ

Ձկներին խորհուրդ չի տրվում երկար մնալ միջոցառումներում: Առաջնայնությունն արժե տալ էներգիայի, ժամանակի և միջոցների տնտեսմանը: Ռեսուրսներն ու առողջությունը պահպանելը հատկապես կարևոր է, եթե վաղը դժվար օր է սպասվում: Այցերը, նախաձեռնությունները, հաջող հնարավորության և անսովոր ելքի որոնումներն ավելի լավ է թողնել օրվա առաջին կեսին: Երեկոյան անցանկալի է ընկնել տրտմության մեջ, չարաշահել ալկոհոլը և դեղերը: