Հայտնաբերվել են մարդկանց համար վտանգավոր սնկային ամպեր

Իրվայնի Կալիֆորնիական համալսարանի գիտնականները հայտնաբերել են, որ մթնոլորտում գտնվող վարակների մեծ մասը, որոնք մասնակցում են ամպերի եւ մարդկանց մոտ ասթմայի առաջացմանը, իրականում սնկային սպորներ են: Այս մասին հայտնում է Science Alert-ը:

2016 թվականին հետազոտողները մեկ ամիս շարունակ փորձանմուշներ են վերցրել 20-60 նանոմետր տրամագծով մասնիկներ որսացող սարքի միջոցով, որից հետո դրանք դասավորել են բարակ պլատինե թելի վրա: Ցնդելուց հետո հետազոտել են ստացված գազերը, որոշելով նրանց քիմիական կազմությունը:

Գիտնականների խոսքերով, օդում գտնվող սպորները ներծծում են ջուրը, ուռչում են եւ պայթում են բաժանվելով 30 նանոմետրանոց մասնիկների: Այս մասնիկներն ընդունակ են ավելի խորը ներթափանցել թոքերի մեջ: Դա էլ բացատրում է այն, որ մարդկանց մոտ ասթմայի նոպաներն ավելի շատ սկսվում են անձրեւների ժամանակ: