Իրաքում ռազմաբազաների հրետակոծման հետևանքով տուժել են 34 ամերիկյան զինվորականներ. Պենտագոն
05:30 , 25 հունվար, 2020Պենտագոնի ներկայացուցիչ Ջոնաթան Հոֆմանը տեղեկացրել է, որ Իրաքում ռազմաբազաների հրետակոծության հետևանքով, ընդհանուր առմամբ, ամերիկացի 34 զինծառայողներ են վիրավորվել, հաղորդում է «ՌԻԱ Նովոստին»:
Նա պարզաբանել է, որ սա հրետակոծությունից տուժածների վերաբերյալ վերջին տվյալներն են:
«34 զինծառայողներ կանտուզիա և գլխուղեղի վնասվածքներ են ստացել»,- ասել է Հոֆմանը:
Նրա խոսքերով, 17 ամերիկացի զինծառայողներ այժմ բուժում են ստանում ԱՄՆ-ում և Գերմանիայում, իսկ մյուս վիրավորներն արդեն վերադարձել են իրենց զորամաս՝ Իրաք:
Հունվարի 8-ին իրանական ուժերը հարվածներ են հասցրել Իրաքում գտնվող ամերիկյան ռազմաբազաներին: