Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով, այսինքն՝ նախարարի առաջարկությամբ, ՀՀ վարչապետ Նիկոլ Փաշինյանը այսօր որոշում է կայացրել հունվարի 31-ից զբաղեցրած պաշտոնից ազատել ՀՀ Էկոնոմիկայի նախարարի տեղակալ Արտակ Քամալյանին:
Մեր տեղեկություններով՝ նպատակն Արտակ Քամալյանին Մոսկվա գործուղելն է՝ Տիգրան Սարգսյանի պաշտոնին նշանակվելու համար: Եվրասիական տնտեսական հանձնաժողովի կոլեգիայի նախագահ Տիգրան Սարգսյանի գործունեության ժամկետն ավարտվում է 2020 թվականի փետրվարի 1-ին։
Տիգրան Սարգսյանի թեկնածությունը 2016 թվականին առաջադրել էր Սերժ Սարգսյանը։ ՀՀ նախկին Սահմանադրությամբ կոլեգիայի նախագահին առաջադրում էր հանրապետության նախագահը, նոր Սահմանադրությունն ուժի մեջ մտնելուց, այսինքն՝ 2018 թվականի ապրիլի 9-ից հետո առաջադրման իրավունքը ՀՀ վարչապետինն է։