Փոփ երգչուհին չեղարկել է Լիսաբոնում կայանալիք համերգը՝ դրա մեկնարկից ընդամենը 45 րոպե առաջ, հաղորդել է Independent-ը:
Նախօրեին՝ հունվարի 19-ին, երկրպագուներին 19:45 ծանուցագրեր են ուղարկել շոուի չեղարկման մասին, որը նախատեսված էր 20:30-ին:
«Մենք ափսոսանքով տեղեկացնում ենք, որ Մադոննան չի կարող ելույթ ունենալ այսօր երեկոյան»,- ասվում է հաղորդագրությունում:
Երգչուհին իր Instagram-ում ներողություն է խնդրել հանդիսատեսից. «Շնորհակալ եմ, Լիսաբոն, խնդրում եմ, ներիր այսօրվա համերգը չեղարկելու համար: Բայց ես պետք է լսեմ իմ մարմնին, որը հանգիստ է պահանջում …: Հուսով եմ, կհանդիպենք երեքշաբթի»:
Երկրպագուները տարբեր կերպ են արձագանքել Մադոննայի հաղորդագրությանը: