Չոր մաշկ ունե՞ք, մազերը թափվո՞ւմ են, ուրեմն այս նյութը հենց Ձեզ համար է


01:08 , 20 հունվար, 2020

Ներկայացնում ենք կոնկրետ վիտամինի պակասի որոշ ախտանիշեր:

Ճաքեր շուրթերի վրա

Սա հաճախ հանդիպում է բուսակերների շրջանում նրանց սննդակարգի պատճառով: Պայմանավորված է երկաթի, ցինկի և վիտամին В-ի պակասով: Այս խնդրի լուծման համար պետք է ավելի շատ լոբազգիներ, գետնանուշ, ոսպ, հավի միս, ձու, թյունոս, սաղմոն և խեցեմորթներ ուտել: Երկաթի յուրացումը լավացնելու և օրգանիզմին վարակների դեմ պայքարել օգնելու համար անհրաժեշտ է վիտամին С, այսինքն՝ պետք է ավելի շատ կաղամբ, ծաղկակաղամբ, բրոկոլի, կարմիր պղպեղ ուտել:

Կարմիր ցան և մազաթափություն

Սրանք վիտամին B7-ի պակասի նշաններ են: Խնդրի լուծման համար պետք է խաշած ձու, սաղմոն, ավոկադո, հունական ընկույզ, սոյա, սունկ, ազնվամորի և բանան ուտել:

Դեմքին, ձեռքերին, մեջքին և ազդրերին կարմիր և սպիտակ բծեր՝ պզուկների նման

Ճարպաթթուների և վիտամին А-ի և Е-ի պակաս է: Պետք է խուսափեք հագեցած ճարպերից և տրանս-ճարպերից, ինչպիսին է մարգարինը, և պետք է սաղմոն, սարդինա, հունական ընկույզ, նուշ ուտեք: Ավելի շատ բանջարեղեն կերեք՝ գազար, կարմիր պղպեղ, քաղցր կարտոֆիլ:

Ձեռքերի և ոտքերի թմրություն ու ծակոց

B6, B9 և B12 վիտամինների պակաս, նաև կապված է ընկճախտի, անեմիայի և հոգնածության հետ: Այս խնդիրների լուծման համար պետք է ավելի շատ սպանախ, ծնեբեկ, կակղամորթեր, ծովախեցգետին, ձու և հավի միս ուտել:

Մատների, դաստակների, ոտքերի և մեջքի ցավ, մկանային սպազմներ

Սրանք կալցիումի և կալիումի պակասի նշաններ են: Եթե պարբերական ֆիզիկական ակտիվություն ունեք և շատ եք քրտնում, վիտամիններ եք կորցնում: Պետք է ավելի շատ նուշ, պնդուկ, բանան, կեռաս, թուրինջ, խնձոր, բրոկոլի և բանջարեղեն ուտեք: