Factor.am-ը գրում է.
Հայաստանի և Ադրբեջանի ԱԳ նախարարները ԼՂ հակամարտության կարգավորման հարցով հերթական հանդիպումը կանցկացնեն մինչև հունվարի վերջ: Ադրբեջանական «Ինտերֆաքս»-ի փոխանցմամբ՝ այս մասին լրագրողներին ասել է Ադրբեջանի ԱԳ նախարար Էլմար Մամեդյարովը:
Նրա խոսքով՝ հանդիպման վայրն ու օրը հստակեցվում են:
Մամեդյարովը նշել է, որ ԵԱՀԿ Մինսկի խմբի համանախագահները պնդել են այդ հանդիպման անցկացման հարցում՝ վստահություն հայտնելով, որ վաղ թե ուշ բանակցություններն արդյունք կտան:
Նա նաև հավելել է, որ այս տարվա առաջին եռամսյակում նախատեսվում է նաև ԵԱՀԿ Մինսկի խմբի համանախագահների այցը տարածաշրջան: