Ինչպես պատրաստել մանդարինով կարամելային պիրոգ․ համն անմահական է

Մանդարինով պիրոգը շատ արագ է պատրաստվում և շատ ավելի արագ անհետանում է սեղանից։

Այն աննկարագրելի համեղ է և միևնույն ժամանակ շատ գեղեցիկ։

Անհրաժեշտ բաղադրիչներ

• Մանդարին – 5 հատ
•  Ձու – 3 հատ
•  Շաքարավազ – 80 գրամ
•  Վանիլին – 3 գրամ
•  Աղ – ըստ ճաշակի
•  Կաթ – 100 մլ
•  Հալեցրած կարագ – 40 գրամ
•  Ալյուր – 150 գրամ
•  Փխրեցուցիչ – 1 թ․գ․

Պատրաստման եղանակը

1. Մանդարինը մաքրեք, սպիտակ թելիկները և կորիզները հեռացրեք և կիսեք, ինչպես նկարում է։

2. Պատրաստեք խմորը․ ամանի մեջ ջարդեք ձվերը, ավելացրեք շաքարավազը, վանիլինը և մի փոքր աղ։ Հարեք 3-4 րոպե։ Ավելացրեք կաթն ու կարագը։

3. Զանգվածը լավ խառնեք։ Ավելացրեք ալյուրն ու փխրեցուցիչը։ Ձեռքի հարիչով խառնեք, որպեսզի գնդեր չմնան։

4. 4 ճ․գ․ շաքարավազ լցրեք թավայի մեջ և տաքացրեք միջին կրակի վրա մոտ 4 րոպե։ Երբ շաքարը դեղնավուն կարամելի վերածվի, մի քիչ խառնեք և կրակն անջատեք։

5. Տապակի կամ սիլիկոնե ձևամանի մեջ յուղաթուղթ փռեք, վրան լցրեք կարամելը և տարածեք ամբողջ մակերեսով։

6. Մանդարինների կեսերը դասավորեք ձևամանի մեջ՝ կլոր մասով դեպի վերև։

7. Դրանց վրա լցրեք խմորը և լավ հարթեցրեք։ Թխեք 180 աստիճանի տակ մոտ 35-40 րոպե։ Վերջին տասը րոպեն կարող եք կրակը մի քիչ իջեցնել։

8. Պիրոգը հանեք ջեռոցից և շրջեք։ Հանեք յուղաթուղթը և հիացեք կարամելապատ մանդարինների գեղեցիկ շերտով։

9. Վերևից կարող եք զարդարել դարչինի փայտիկով, անանուխով կամ պաղպաղակի գնդիկով։