Հայտնի են դարձել 2020թ․ զբոսաշրջիկների շրջանում ամենատարածված թռիչքուղիները

2020թ․ առաջին կեսին, նախապես ամրագրման տվյալների համաձայն, զբոսաշրջիկների շրջանում ամենամեծ պահանջարկը դեպի Թաիլանդ ուղևորություններն են: Այս մասին հայտնում է RIA Novosti-ն՝ վկայակոչելով Biletix ավիաընկերության՝ տոմսեր գնելու ծառայության ուսումնասիրությունը:

Ծառայությունների փորձագետները նշում են, որ 2020 թվականին դեպի Թաիլանդ թռիչքների նկատմամբ հետաքրքրությունն աճել է 6,3 անգամ: Բացի այդ, դեպի Երևան ուղղությունների պահանջարկն աճել է 2,3 անգամ, իսկ Անթալիա և Լիսաբոն ուղղությունների պահանջարկը աճել է 1,9 անգամ:

Նաև ամենապահանջարկված երթուղիներից են Պրահան, Մյունխենը, Նյաչանգը, Վերոնան և Բալին: