Թեհրանում ուկրաինական ուղևորատար ինքնաթիռ է կործանվել. բոլոր ուղևորները զոհվել են (Photo, Video)
09:24 , 8 հունվար, 2020Ուկրաինական ուղևորատար օդանավը կործանվել է Թեհրանի Իմամ Խոմեյնիի անվան միջազգային օդանավակայանի մոտ: Այս մասին «Ռիա Նովոստի»-ին հայտնել է օդանավակայանի ներկայացուցիչը:
Գործակալության զրուցակցի խոսքով՝ օգանավում եղել է 167 ուղևոր: Օդանավակայացի ղեկավարը հայտնել է, որ ինքնաթիռը կործանվել է անմիջապես թռիչքից հետո:
CNN գործակալությունը Իրանի Արտակարգ օգնության կազմակերպության ղեկավար Փիրհոսեյն Կուլիվանդին հղումով հայտնում է, որ չվերթում գտնվող ուղևորների մեծ մասը զոհվել է:
Աղբյուրի հաղորդմամբ՝ վթարային բրիգադները ուղարկվել են վթարի վայր, սակայն օգնություն չեն կարողանում ցուցաբերել, քանի որ ներկայումս տարածքը այրվում է:
Flight Radar պորտալը հայտնում է, որ ուկրաինական PS752 չվերթը Թեհրանից մեկնել է առավոտյան` ժամը 2:42-ին, և դադարել տվյալներ փոխանցել երկու րոպե անց: Պորտալի տեղեկություններով՝ ուկրաինական Boeing 737-800-ը կործանվել է թռիչքից անմիջապես հետո:
«PS752-ը Թեհրանից մեկնել 2:42-ին: Վերջին տվյալները ստացվել են 2:44-ին»,- ասված է Flightradar-ի հաղորդագրության մեջ:
Կիևի օդանավակայանը դեռևս տեղեկություններ չունի Թեհրանի տարածքում Ուկրաինական օդանավի հնարավոր կործանման մասին:
