Դատարանը թույլ է տվել «Լքելով Նևերլենդը» ֆիլմի հերոսներին դատի տալ Մայքլ Ջեքսոնի ընկերություններին

Երկու տղամարդիկ, ովքեր «Լքելով Նեվերլենդը» վավերագրական ֆիլմում մեղադրում են երգիչ Մայքլ Ջեքսոնին սեռական բռնության մեջ, կարող են դատի տալ նրա երկու ընկերություններին ՝ MJJ Productions-ին և MJJ Ventures-ին՝ գրում է bbc.com-ը:

Կալիֆոռնիայի Վերաքննիչ դատարանի այս որոշումը հնարավոր եղավ իրականացնել պետական օրենսդրության փոփոխությունների շնորհիվ, որոնց համաձայն՝ բարձրացվել է երեխաների սեռական բռնության դեմ դատական գործերի տարիքային շեմը:

Ուեյդ Ռոբսոնը և Ջեյմս Սեյֆչակը պնդում են, որ սեռական բռնության են ենթարկվել Ջեքսոնի «Նեվերլենդ» ռանչոյում 1980-ականների վերջին և 1990-ականների սկզբին: Նրանք այդ ժամանակ համապատասխանաբար 7 և 10 տարեկան են եղել:

Մայքլ Ջեքսոնը մահացել է 2009թ.։ Նրա ընտանիքը հերքում է իրեն առաջադրված մեղադրանքները: