Ռուսաստանն ու Իրանը հայտարարել են իրանական միջուկային գործարքի վերջնական խզման վտանգի մասին
19:18 , 31 դեկտեմբեր, 2019Shantnews.am-ը գրում է․
Ռուսաստանն ու Իրանը հայտարարել են իրանական միջուկային գործարքի վերջնական խզման վտանգի մասին: Այս մասին հայտնել է Euronews-ը:
Երկու երկրների արտաքին գործերի նախարարները նշել են, որ գործողությունների համապարփակ ծրագրի հետագա ճակատագրի պատասխանատվությունը դրված է Միացյալ Նահանգների և Եվրամիության վրա:
Ծրագիրը հաստատվել է 2015-ին Իրանի և 6 գերտերությունների միջև: Այն նախատեսում էր Իրանի դեմ պատժամիջոցների վերացում ՝ ուրանի հարստացումից հրաժարվելու դիմաց: Երեք տարի անց Միացյալ Նահանգները հայտարարել էր համաձայնագրից միակողմանի դուրս գալու և պատժամիջոցների վերականգնման մասին: