Azatutyun.am-ը գրում է․
Գերմանիայի դաշնային կանցլեր Անգելա Մերկելը Թուրքիայի և Ռուսաստանի ղեկավարների հետ հեռախոսով քննարկել է Լիբիայում և Սիրիայում ստեղծված կացությունը:
«Կողմերը պայմանավորվել են նոր լիցք հաղորդել դիվանագիտական ջանքերին», - այսօր հայտարարել է Գերմանիայի կառավարության պաշտոնական ներկայացուցիչը:
Վերջին օրերին իրավիճակը արաբական այս երկու պետություններում խիստ սրվել էր: Սիրիայում կառավարական բանակը` ռուսական օդուժի աջակցությամբ, լայնածավալ հարձակում էր սկսել Իդլիբի ուղղությամբ: Թուրքիան էլ անցած շաբաթ հայտարարել էր Լիբիա զինված ստորաբաժանումներ ուղարկելու մտադրության մասին: