Քաղաքապետարանը 13-րդ աշխատավարձ չի՞ տա. Մարությանը դեռ մտորում է
18:36 , 25 դեկտեմբեր, 2019Hraparak.am-ը գրում է.
Երեւանի քաղաքապետարանում շարունակվում է ավագանու նիստը։ Նիստին «Լույս» խմբակցության ղեկավար Դավիթ Խաժակյանը հարց ուղղեց՝ ո՞րն է տրամաբանությունը բյուջեով հաստատել 13-րդ աշխատավարձը, քննադատվել դրա համար, ապա այդ աշխատավարձը չտալ։
Քաղաքապետ Հայկ Մարությանը պատասխանելով հարցին՝ ասաց, որ դեռեւս որոշում չունի դրա վերաբերյալ․ «Ես որոշումը դեռ չեմ կայացրել տրվելո՞ւ է, թե՞ ոչ, ինչպե՞ս է տրվելու։ Որոշումն էս րոպեին չկա։ Լրատվամիջոցների հետ զրույցում այսօր ասել եմ՝ այո, մենք տվել ենք եռամսյակային պարգեւավճարները, ասացի որ այս պահին որոշում չկա»։